兴搭我做，阿是让俚赎个好？”

    子富道：“价末俚为啥说勿成功？”黄二姐叹口气道：“勿是我要说俚，翠凤个人调皮匆过！倪开个把势，买得来讨人才不过七八岁，养到仔十六岁末做生意，吃着费用倒要勿去说俚，样式样才要教拨俚末俚好会。罗老爷，耐说要费几花心血保？

    价末生意倒也难说。倘然生意勿好，豁脱子本钱，再要白费心，故也无法子个事体。真真要运道末到哉，人末冲场也无啥，难末生意刚刚好点起来。比方有十个讨人，九个勿会做生意，单有一个生意蛮好，价末一径下来几花本钱生来才要俚一干子做出来个哉唍。罗老爷阿对？难故歇翠凤要赎身，俚倒搭我说，进来个身价一百块洋钱，就加仔十倍不过一千唍。罗老爷，耐说阿好拿进来个身价来比？”子富道：“俚末说一千，耐要俚几花嗄？”黄二姐道：“我末自家良心天地，到茶馆里教众人去断末哉。俚一节工夫，单是局帐要做千把哚。客人办个物事，拨俚个零用洋钱才匆算，俚就拿仔三千身价拨我，也不过一年个局帐洋钱。俚出去做下去，生意正要好哚。罗老爷阿对？”

    子富寻思半晌不语，珠凤乘间掩在靠壁高椅上打瞌铣。黄二姐一眼睃见，随手横挞过去。珠凤“扑”的一交，伏身跌下，竟没有醒，两手还向楼板上胡抓乱摸。子富笑问：“做啥？”

    连问两遍，珠凤挣出一句道：“奋脱哉呀！”黄二姐一手拎起来，狠狠的再挞一下，道：“沓脱仔耐个魂灵哉喤！”这一下才把珠凤挞醒，立定脚，做嘴做脸，侍于一傍。

    黄二姐又向子富说道：“就像珠凤个样式，白拨饭俚吃！

    阿好做生意？有啥人要俚？原是一百也让俚去末哉唍。阿好说翠凤赎身末几花哚，珠凤倒也少匆来？”子富道：“上海滩浪倌人身价，三千也有，一千也有，无拨一定个规矩。我说耐末推扳点，我末帮贴点，大家凑拢来，成功仔，总算是一桩好事体。”黄二姐道：“罗老爷说得勿差，我也匆是定归要俚三千。

    翠凤自家先说个多花猛扪闲话，我阿好说啥？”

    子富胸中筹画一番，欲趁此时说定数目，以成其事。恰好黄翠凤、黄金凤同台出局而回，子富便缩住嘴。黄二姐亦讪讪的告辞归寝。

    翠凤跨进房门，就问珠凤：“阿是来浪打瞌铣？”珠凤说：“勿曾。”翠凤拉他面向台灯试验，道：“耐看两只眼睛，倒勿是打瞌统？”珠凤道：“我一径来里听无娒讲闲话，陆里困嗄！”翠凤不信，转问子富。子富道：“无娒打过歇个哉，耐就哝哝罢，管俚做啥？”翠凤怒其虚诳，作色要打，却为子富劝说在先，暂时忍耐。子富忙喝珠凤退去。翠凤乃脱下出局衣裳，换上一件家常马甲。金凤也脱换了过来，叫声“姐夫”，坐定。

    子富爱将黄二姐所说身价云云，缕述綦详。翠凤鼻子里哼了一声，答道：“耐看末哉，一个人做仔老鸨，俚个心定归狠得野哚！无娒先起头是娘姨呀，就拿个带挡洋钱买仔倪几个讨人，陆里有几花本钱圆单是我一干子，五年生意末，做仔二万多，才是俚个唍。故歇衣裳、头面、家生，再有万把，我阿能够带得去？俚倒再要我三千！”说到这里，又哼了两声，道：“三千也无啥稀奇，耐有本事末拿得去！”

    子富再将自己回答黄二姐云云，并为详述。翠凤一听，发嗔道：“啥人要耐帮贴嗄？我赎身末有我个道理，耐去瞎说个多花啥！”子富不意遭此抢白，”只是讪笑。金凤见说的正事，也不敢搭嘴。翠凤重复叮嘱子富道：“难要勿去搭无娒多说多话。无娒个人，依仔俚倒勿好！”

    子富应诺，因而想起姚文君来，笑向翠凤道：“姚文君个人倒有点像耐。”翠凤道：“姚文君末陆里像我？我说癞头鼋怕人势势。文君勿做也无啥，勿该应拿‘空心汤团’拨俚吃。

    就算耐到仔老旗昌勿