，见亚悌来，一言消解。

    生来品格极清纯，善气迎人草遇春。

    老虎食人无骨刺，何尝开口咬麒鳞。

    亚孝所做事务，每多不合亚成之意，所以亚孝不满。十日去探亚悌一回，有时静对亚悌，咒骂其兄，话：“亚成哥好死唔死，又走归来，遇时将我凌辱，话我暴戾，佢重丑过我十分。”亚悌婉转谏之曰：“究竟都系佢做亚哥呀，亚哥火气大亦要忍让下。佢有时自己都有唔着之处，岂可尽怨他人么？”亚孝曰：“佢做亚哥好出奇吗？大约我重先做过佢，佢的死剩种，（骂得咁毒）实系奶彩得归来，重来讲恶气，你话服佢唔服呢？

    我虽然恶，何尝有将亚忠、亚信日日来打呀？（不过专打亚仁、亚义而已）我打细佬都有，仍然依住道理去。（无理认有理，岂有此理）独至亚成哥，唔系人咁禀，恃自己高大，动不动讲拳头，你话有乜法呢？”（其佢打过呀）亚悌曰：“我有一法，惟和平恭敬，日久可感其心。你话大哥凶横，何以又唔打我？”

    亚孝曰：“你离得远，而且咁斯文，唔通将绅衿来打么？”亚悌劝了几番，亚孝都唔肯听。迟得几日，亚忠、亚信来投告。

    又迟几日，亚仁、亚义亦来投告。更计日间，亚成自己来探，曰：“细佬，我想唔做大哥咯，唔做亦极之难，个班细佬更加放肆，我有时火起。总之，用拳头做家法。至于亚孝更可恶，我有肯容过但。”亚悌曰：“大哥不宜怒气，个的细佬，点能学得你咁明白呢？”（明白得凄凉）细佬唔明，慢慢教道。大哥拳头重，自己唔知，恐一时打伤，骨肉之情，心有不忍，就是父母在九泉之下，亦有难安。”（能体贴亲心，必能爱到兄俗话倾谈二集??弟）话完，不觉眼泪滴下，亚成叹曰：“细佬个个唔学得你呀！”两兄弟讲话一番，陪待饮食而去。不数日，又有兄弟来投告。

    一月数次谏说，亦不依从。亚悌见无奈之何，不如三十六着，又以走为上着，即将家眷搬迁去三泊，离家百有余里，路途远隔，是非不闻，自寻安静而已。

    善言俱作耳边风，我亦从今诈耳聋。

    拍手又携家眷去，买园三亩种通葱。