昆阳县附城地方，有一人姓曾，名恭禹，家资数干。结发之妻颜氏，生一子，名叫亚成。养至七八岁，值明朝天启之时，地方盗起，不幸遭乱，妻子被贼捉去。乱定之后，续娶一个填房孔氏，又娶妾杨氏，妻生三子。妾又生三子。论起层次，长子亚孝派第一，亚忠派第三，亚信派第四，此三个仔，俱系正妻所生。亚悌派第二，亚仁派第五，亚义派第六，此三个仔，俱系妾氏所生。六个仔，名为孝悌忠信仁义，六个字俱是好字眼，似乎一家都是好人矣。（六个仔，其父时时叫。六个字之好，其父未必时时讲也。可惜可惜！）六个仔之中，惟亚悌系秀才，果然好人品，依道理而行。其余五子，俱是惹是招非，而性情暴戾者也。

    世有改其子之名叫做亚善，未有叫做亚恶者。有叫做亚良，未有叫做亚匪者。犹之乎改个堂名，有的叫做积善堂，有的叫做种福堂，诸如此类，不可胜计也。既称积善，自问一年积得几多呢？既称种福，自问一世种得几多呢？若非积善而自认积善，并无种福而自认种福，则是欺人骗人，而并欲以自欺自骗也。

    有时对人曰：“我一世啥好讲大话。”如此重，唔系讲大话么？或有写积善堂，其实好积恶，写积福堂，其实好种祸，即系挂家用招牌而专好卖假货也。

    其后，曾恭禹因病而死，众子相聚守丧。将入棺时，死者眼中泪如涌出，众人看见个个皆惊，以为奇怪。亚涕秀才曰：“父入棺而出泪，必有不祥。父亲知我兄弟平日好斗，将来必俗话倾谈二集??有祸患，故虽死不安而流泪，告我众兄弟务宜一团和气，忍事为佳，免父在九泉犹难闭目。”各兄弟笑曰：“你勿讲得咁废，唔关个的事，总系喃魔先生择时辰，唔得干净耳。”殡葬既毕，兄弟分产异居。亚孝自高自傲，以亚悌、亚仁、亚义系庶母所生，不以骨肉相待，作佢为低一格而卑贱之。结理亚忠、亚信，作为一党，话：“我三兄弟系大婆仔，佢三个系妾氏仔，就欺佢打佢，都唔奈得我乜何？”（果然好亚哥、好带头、好倡率，所谓一只牛唔好，搅坏一栏）亚忠、亚信亦以为然，好似狐假虎威，狼跟豺尾。有时客来探，到开筵饮酒，亚仁、亚义经过堂下，不叫一言。仁、义忿告亚悌曰：“岂有此理！咁无情份，唔通兄弟不如外人，朋友尚且交杯，而细佬行过，竟然不恤。

    佢不以我为弟，我亦不以佢为兄，不如我三兄弟，亦联理结为一党，共佢相抗。况且我二哥系做秀才，断唔输得过佢。”亚悌劝曰：“细佬，唔系咁讲，佢做亚哥唔明，我忍让下佢，世界事情有乜紧要呢？路上相逢，尚且让人三步，何况自己兄弟，讲乜冤仇呀！细佬之言，我不从你。”（真正好秀才，晓得大道理，心内有主张，不愧读书人本领）亚仁、亚义年纪尚轻，因亚悌之言其意亦止。

    又说亚孝，有个女嫁县城外姓周。亚孝诬赖亲家，话唔医理佢女，以至于死。喝起兄弟子侄及泼妇等，去捉亲家婆，要打过以消此恨。又话亚悌曰：“你做个秀才，份外有的胆色，你都要去，唔好延迟。”亚悌谏曰：“佢做家婆，岂有唔爱新妇之理？请医下效，难以挽回。今纠率多人捉他凌辱，你做得出，难对乡邻，叫我同行，我断不去。”（唔系怕事，总系怕羞）亚孝曰：“细佬，你勿去咯，我估你做秀才，帮得下手，（帮你欺人么）谁知唔做得料驶，在你三分责，一片讲执滞，我话你系废。”

    亚悌个的废法，正是超群脱俗，高出庸众之流。

    岂同砧板蚁、沟渠鸭、腊猪头、乌龙尾，遇人有的小事，便想插身人内，挑三拨四，作浪生风，讲周身本领，兜钱入荷包么？

    由是不听亚悌之言，叫齐忠、信、仁、义与子侄等，及族中无赖之徒，去捉周氏亲家婆，拳打脚踢。有的去打烂水缸，有的去打穿米塔，有的去打崩饭镬，有的拈斧头砍破大门，有的执竹篙拢扫屋瓦，打得穿崩破